Ginpirmahan na ni President Ferdinand Marcos Jr. ang layi nga magahatag sang awtoridad kag gahom sa iya nga magsuspende ukon magbuhin sang excise tax sa mga produktong petrolyo.
Ini bangud sa nagapadayon nga kabudlayan nga na-eksperyensyahan sang pungsod sa pagasaka sang presyo sang gatong bangud sa gyera nga nagakatabo sa Middle Esat.
Base sa Republic Act No. 12316, may ara sang gahom ang Presidente nga magsuspinde ukon magpabuhin sang excise tax sa krudo, base sa rekomendasyon sang Development Budget Coordination Committee (DBCC) kag sa pag-coordinate man sa tagpamaba sang Department of Energy.
Nakasulat man sa layi nga ang ano man nga pagsuspinde ukon pagbuhin sini mangin epektibo lamang tubtob sa tatlo ka bulan, kag indi dapat magsobra sa isa ka tuig.
