Handa nga suportaran ni President Ferdinand Marcos Jr. ang pag-abolish sang Oil Deregulation Law, pananglitan nga maaprubahan ini.
Nahibaluan nga ang Oil Deregulation Law amo ang laye nga nagakakas sang kinamatarong sang gobyerno sa pag-control sang presyo sang produktong petrolyo kag ang tagsa ka mga kumpanya sang langis ang sarang nga maka-set sang ila kaugalingon nga presyo, base sa world market.
Sa isa ka press conference, ginpahayag ni Palace Press Officer Undersecretary Claire Castro nga nakadepende sa mga lawmakers ang desisyon kun ano ang makapaayo sa pungsod.
Dugang pa ni Castro nga kun para sa benepisyo sang pungsod kag sang mga Pilipino, handa nga magsuporta si President Marcos, ilabi na subong nga tion nga nagapangatubang sang dako nga pagpanghangkat ang nagkalain-lain nga sektor sang pungsod, ilabi na ang sektor sang transportasyon sa padayon nga pagtaas sang presyo sang gatong, bangud sa nagapadayon nga gyera sa Middle East.
