Natumod na ang pila ka indibidwal kag korporasyon nga involved sa kurapsyon sa Department of Public Works and Highways (DPWH) kag malapit na nga i-ban sa mga proyekto sang gobyerno.
Sa pinakaulihi nga podcast episode ni President Ferdinand Marcos Jr., apisar wala ginpangalanan kun sin-o ang ginatumod nga contractors, ginpahayag sini nga lapit na lang nga pasakaan sang kaso ang mga indibidwal kag mga kumpaniya nga involved sa substandard projects.
Suno sa Presidente, yara na sa iya ang mga pangalan sang mga tawo nga responsable sa mga palpak nga flood-control projects nga rason sang pagbinaha sa pungsod.
Nagpaandam man ini nga pasabton sa layi ang sin-o man nga mapamatud-an nga guilty bisan pa matag-as ang ila posisyon sa gobyerno.
