Nagmando si President Ferdinand Marcos Jr. nga padasigon ang pag-release sang P21.47 bilyon nga pondo sang gobyerno para sa fuel subsidy.
Suno sa Department of Budget and Management, P2.49 bilyon ang kabug-osan nga pondo ang gin-allocate sa Department of Transportation (DOTr) para sa Fuel Subsidy Program.
Ini agud maghatag sang direkta nga bulig sa mga driver kag operator nga nagaantos sa pagsaka sang presyo sang gatong.
Suno sa ahensya, ang subsidiya may katuyoan nga buligan ang mga driver nga makapadayon sa ila operasyon nga indi na kinahanglan ipasa ang dugang nga gasto sa mga pasahero kag agud mapabilin man nga barato ang plete sa pampubliko nga transportasyon.
Sa matandaan nga una na nga ginmanduan ni President Ferdinand Marcos Jr. ang ahensya sa plano nga fare hike sa pampubliko nga transportasyon.
Suno sa Presidente, indi pa ini ang insakto nga tion sa pagpatuman sang fare hike bangud sa epekto sang padayon nga tensyon sa Middle East.
