Gin-engganyo ni President Ferdinand Marcos Jr. ang mga Pilipino nga magbulig sa mga biktima sang bagyo kag sunog subong nga Christmas season.
Ini ang kabahin sang iya mensahe sa Christmas Tree Lighting Ceremony sa Malacañang Palace kagab-i, Disyembre 1.
Halin sang Oktubre, anum gid ka mga bagyo ang nagsulod sa Philippine Area of Responsibility (PAR) nga amo ang Kristine, Leon, Marce, Nika, Ofel, kag Pepito.
Sa kanday Nika, Ofel, kag Pepito pa lamang, masobra sa 4.316 million ka mga tawo ang naapektuhan suno sa latest report sang National Disaster Risk Reduction and Management Council (NDRRMC).
Magluwas diri, may dalagku man nga sunog nga natabo kaangay sa Isla Puting Bato sa Tondo, Manila.
“It is a joyful time for all the Filipinos. But as we celebrate, I would like, is to ask you to hold a thought for all those people who up to now are trying to recover from the effects of the six typhoons that we suffered in twenty-three days. Many of them are still in the shelters. Many of them are still in need,” suno kay Marcos.
“And all of these disasters, like I just came and saw some victims of fires. All of these people, let’s just keep them in mind and do what Filipinos do. Let’s help each other,” dugang sang chief executive.
Magluwas nga ginpangunahan ni Marcos ang pagpasiga sang Christmas Tree, naghatag man ini sang awards sa sa mga eskwelahan nga nagdaog sa annual parol-making contest sang Malacañang.
Magluwas sa first family kag pila ka mga senador, yara sa kahiwatan ang Filipino artists nga sanday Jose Mari Chan, ang Alice Reyes Dance Philippines, kag si Carla Guevara-Laforteza.
Naghalad man sang ambahanon ang Ilonggo singer-songwriter kadungan sang amo nga kahiwatan.
Halin sa Disyembre 16-24, buksan ang gates sang Palasyo sa publiko para sa Simbang Gabi kag libre nga carnival rides.
