Ginpromisa ni President kag concurrent Agriculture secretary Bongbong Marcos nga solbaron sini ang problema sa sugar industry sa Pilipinas.
Gin-ako man sini nga madugay na nga wala na nahatagan sang igtalupangod ini nga problema sa pungsod.
Sa iya pagpanguna sang pagpanagtag sang ayuda sa lain-lain nga mga sektor sa Talisay City, ginpahayag ni Marcos nga apisar maayo man ang hulag sang ekonomiya sang Pilipinas, wala nakaluwas ang pungsod sa problema nga gina-agyan sang iban nga trade partners.
Gin-mensyonar sini ang sitwasyon sang sugar industry sa Talisay nga nahamtang sa Negros Occidental nga amo ang nagapanguna nga sugar-producing province sa Pilipinas.
Apisar sang amo nga promisa, wala man ginhatag sang presidente ang detalye kun paano sini itib-ong ang sugar industry.
Naga-contribute ini nga industriya sang ginabanta P90 billion sa ekonomiya sang pungsod kada tuig. ##
