Nagsentro ang mensahe sa Paskwa ni Presidente Ferdinand Bongbong Marcos Jr. sa iya panawagan sa tanan nga Pilipino nga magkabuhi nga may kahulugan kag mAayo nga katuyuan.
Suno sa presidente, ini nga okasyon ang may importante nga papel sa madalom nga pagtuo sang mga Pilipino kun sa diin ila mabatyagan ang presensya sang Diyos kag ibutang sa paminsaron ang pagpalapnag sang pagpasalamat, kaayo, kag kalipay sa tanan.
Pahayag ni Marcos, ini ang nagahimo sa selebrasyon kag kahulugan sang paskwa nga labaw pa sa limitasyon sang relihiyon kag nagaimbitar sang kasadya kag pagkamapinasalamaton ano man ang ginhalinan sa kabuhi.
Nagalaum man si Marcos nga ang espiritu sang paskwa ang magapuno sang pagpalangga kag kalinong sa sulod sang tagsa ka panimalay.
Nagpangabay man ini nga gamiton ini nga selebrasyon agud mas padalumon pa ang pag-apresyar sa kabakod nga dala sang natukod nga relasyon upod si Hesukristo.
Kaupod man sini sa Christmas message sanday First Lady Liza kag tatlo nila ka kabataan.
