Ginmanduan ni President Ferdinand Marcos Jr. si newly appointed Department of Trade and Industry (DTI) Acting Secretary Ma. Cristina Aldeguer-Roque nga pataason ang kondisyon kag competitiveness sang micro, small, and medium enterprises (MSME) sector sang pungsod.
Matandaan nga sang Biyernes, Agosto 2, gin-anunsyo sang Malacañang ang pag-appoint kay Roque, tal-os kay Alfredo Pascual.
Antes ang pag-appoint bilang acting Trade chief, si Roque ang nagserbe nga undersecretary for MSME development sang DTI.
Ginpahayag ni Roque nga kinahanglan nga maggamit sang MSMEs sang mga digital tool agud pabaskugon ang ila competitiveness.
Magapatuman man ang DTI sang five-point strategy para sa MSMEs, kag kabahin diri ang pagtutok sa digitalisasyon, artificial intelligence (AI), diversification, kag probisyon sang pondo.
Nahibaluan nga si Roque ang nagserbe bilang chairperson sang Small Business Corporation, nga nagapondo sa mga inisyatibo para sa MSME development.
