ILOILO CITY – ‘Bittersweet’ para kay Police Brigadier General John Bulalacao ang pagretiro sa serbisyo bilang director sang Police Regional Office(PRO) 6 subong nga adlaw.
Sa iya nangin mensahe, ginpahayag ni Bulalacao nga masubo para sa iya ang pagbiya sa serbisyo apang ginalakipay man niya bangud nga may yara na siya sang tion para sa iya pamilya.
Ginpahayag ni Bulalacao nga kuntento siya sa iya nangin performance bilang Director sang PRO-6 kag wala siya sang may ginhinulsulan.
Sa pihak sang kasubo, ginpahayag ni Bulalacao nga iya ginabaton nga may yara sang katapusan ang tanan.
Sa iya nga pagbiya sa PRO-6, ginpasalamatan ni Bulalacao nang Ginuo sa paghatag sa iya sang maayo nga partner kag ini amo ang iya tiayon nga si Mrs. Maria Rosalinda Bulalacao.
Nagpasalamat kag nagpangayo sang pasaylo si Bulalacao bangud sa limitado nga tion sa iya pamilya.
