Opisyal na nga nagpungko bilang bag-o nga Director sang Police Regional Office III (PRO-3) si Police Brigadier General Rogelio Peñones, nga amo ang nagbulos kay PBGen. Jean Fajardo. Si Fajardo subong ang gindestino bilang bag-o nga Director sang Directorate for Comptrollership sang Philippine National Police (PNP) kag nagbalik na sa kampo.
Sa iya mensahe sa ginpatigayon nga turn-over ceremony, ginpahayag ni PBGen. Peñones ang iya kahandaan sa pagbaton sang mga responsibilidad kag pagpanghangkat nga kaakibat sang iya bag-o nga posisyon.
Ginpasalig man sang bag-o nga PRO-3 Director nga ang serbisyo sang ila opisina mangin masinulondon sa mga direktiba sang PNP Chief nga si Police General Nicolas Torre III.
Antes siya gintalana bilang Director sang PRO-3, nagserbe anay si Peñones bilang Deputy Regional Director for Administration sang National Capital Region Police Office (NCRPO). Nagserbe man siya bilang Director sang Northern Police District kag sang Zambales Provincial Police Office.
