Ginsapol ni PBGen. Randulf Tuaño, Director sang Police Regional Office 6 (PRO-6), ang mga opisyal sang Molo Police Station, Iloilo City Police Office (ICPO), kag ila legal officer.
Ini kasunod sang natabo nga pagsulod sang Integrity Monitoring Enforcement Group (IMEG) sang Philippine National Police (PNP) agud pangitaon ang ginaalegar wanted nga pulis sang Hulyo 1.
Ini nga tikang ginhimo agud mabatian ang ila tagsa ka bahin kasunod sang kontrobersyal nga operasyon.
Suno kay Tuaño, nakigsapol na ini sa direktor sang Integrity Monitoring Enforcement Group kag ginapaathag sini kun ngaa ginpahapa, gindis-armahan kag gintayaan sang armas ang mga pulis sa Molo PNP.
Sa subong indi pa maghatag sang pinal nga pahayag ang Integrity Monitoring Enforcement Group tubtob wala pa mabatian ang bahin sang Molo PNP.
Nagapadayon sa gihapon ang pag-istoryahanay ni General Tuaño upod kay ICPO Director PCol. Wilbert Parilla kag iban pa nga kapulisan agud usisaon ang matuod nga natabo.
