MANILA – Ginaduso sang Philippine Chamber of Commerce and Industry ang pagpasangkad sang Balik Probinsya Program apisar sang Coronavirus Disease 2019 (COVID-19).
Santo sa statement nga ginpadala sang Philippine Chamber of Commerce and Industry kay Presidente Rodrigo Duterte, ang high population density amo ang major cause sang paglapta sang COVID-19 rason nga dapat padayunon kag pasangkaron ang Balik Probinsya Program.
Ini ang rason kun nga-a nagsuporta sa House Bill 6970 sanday PCCI president Ambassador Benedicto Yujuico kag PCCI Balik Probinsya program chair Menardo Jimenez.
Sa pagpaathag naman ni House Deputy Speaker LRay Villafuerte, nga amo ang nagduso sang nasambit nga hagna, katuyu-an sang House Bill 6970 amo nga ma-harness ang public incentives agud nga maengganyo ang mga residente sa Metro Manila nga magbalik sa ila tagsa ka mga lugar.
May kaangtanan diri, gina abi-abi naman ni Villafuerte ang suporta sang Philippine Chamber of Commerce and Industry may kaangtanan sa iya ginduso nga hagna.
