Nagpanugyan ang Philippine Coast Guard (PCG) Iloilo sa mga manogpangisda nga likawan anay ang pagpadulong sa kalalawran subong nga malain ang tyempo.
Sa interview sang Bombo Radyo kay Commander Jan Terazona, Station Commander sang Philippine Coast Guard Iloilo, iya ginpahayag nga padayon ang ila nga monitoring sa nagapasulod nga bagyo sa Pilipinas nga ginalauman magasulod sa Domingo nga adlaw.
Suno kay Terazona, gilayon nga magahatag sila sang impormasyon sa publiko kon liwat nga kanselahon ang byahe.
Wala naman sang ginpaguwa nga travel advisory ang talatapan bangud nga wala na sa signal number 1 ang Iloilo kag wala na sang gale warning.
