Padayun ang preparasyon sang Philippine Coast Guard sa siudad kag probinsya sang Iloilo kasunod sang pagpamahog nga dala ni Bagyo Basyang.
Sa bahin sang Iloilo Port Terminals, nagpaguwa sang Travel Advisory ang ahensya kun sa diin ginkansela ang mga byahe sa probinsya sang Iloilo.
Lakip na diri amo ang mga sea travel sa Dumangas, Ajuy, Estancia, kag Carles.
Padayun man ang pagmonitor sang PCG sa nagapadayun nga byahe sang mga fiberboats halin sa Iloilo pakadto Guimaras kag Vice Versa kun sa diin 50% capacity lang ginapasugtan.
Sa interview sang Bombo Radyo kay Ensign. El John Ga, Spokesperson sang PCG Iloilo, iya ginpahayag nga dayun man nga iga-untat ang byahe sang mga fiberboats sa bahin sang Parola Wharf kun magbaskug ang balud sa nasambit nga area.
Dugang pa niya nga nagapatigayon man sila sang rekorida sa publiko pinaagi sa mga substations sa mga kabanwahanan sa probinsya sang Iloilo kag nagapanagtag man sang flyers ilabi na sa mga coastal areas.
