ILOILO CITY – Nakaalerto ang Philippine Coast Guard (PCG) Iloilo may kaangtanan sa memorandum nga ginpapanaog sang Regional Maritime Unit 9 tuhoy sa mga sakayan nga nagakarga sang improvised explosive device (IED).
Sa interview sang Bombo Radyo, ginpahayag ni Lt. Cmdr. Ramil Palabrica sang PCG-Iloilo, nga napahibalo na niya ang Police Regional Office (PRO) 6, Philippine Army kag iban pa nga law enforcment unit tuhoy sa posible mga sakayan dagat nga nagakarga sang bomba.
Suno kay Palabrica, nagpatigayon na sila sang emergency meeting agud istoryahan ang ipatuman nga security measures agud indi
makasulod sa Rehiyon 6 ang mga sakayan nga may karga sang IED.