GUIMARAS– Nakahanda ang Philippine Coast Guard (PCG) – Iloilo sa pagdagsa sang dumulu-ong nga magapadulong sa isla sang Guimaras may kaangtanan sa patigayunon nga Manggahan Festival.
Suno kay PCG-Iloilo Commander Rodolfo Dela Peña, may ipahamtang nga Passenger Assistance Desks sa Ortiz Wharf kag Parola Wharf sa syudad sang Iloilo lakip na sa Jordan kag Buenavista Wharf sa probinsya sang Guimaras.
Katuyuan sini suno kay Dela Peña nga makabulig sa mga pasahero ilabi na sa tion sang emerhensya.
Magluwas sa Passenger Assistance Desks, may ipahamtang man nga floating assets bilang ‘augmentation force’.
Nahibalu-an nga ang Manggahan Festival ang maga-umpisa buwas nga adlaw, Mayo 11.
