ILOILO CITY- Padayun ang pagpangusisa sang Philippine Coast Guard-Iloilo may kaangtanan sa ginapahayag tatlo ka seaman nga nakalusot sa ginapatuman nga community quarantine sa Dumangas, Iloilo.
Sa interview sang Bombo Radyo kay Lt. Commander Joe Luviz Mercurio, commander sang Philippine Coast Guard-Iloilo, iya ginpahayag mga sa subong, wala pa nahibalu-an kun paano nakalusot ang tatlo ka mga seaman apisar nga may yara sang travel kag border restrictions.
Suno kay Mercurio, ang execution sang executive order nga ginpaguwa ang collaborated effort sang tagsa ka ahensya sang gobyerno.
Ginpahayag ni Mercurio nga kun may yara nga mga pasahero nga magabyahe, indi na ini pagpahanugutan nga makalusot sa Dumangas kag indi na pagpapanaugon sa vessel ukon pabalikon na lang sa ila point of origin.
