Maid-id nga nagapatigayon sang inspeksyon ang Philippine Coast Guard (PCG) sa mga sakayang pandagat nga nagabyahe Parola Wharf pa-Guimaras and vice versa.
Ginasulod sang mga personnel ang kada sakayan kag ginaisip ang mga pasahero agud masiguro nga wala nagasobra sa seating capacity. Ini ang magluwas pa sa personnel mismo sang fiber vessel nga naga-check man sini.
Nahibaluan nga naka-heightened alert ang PCG District Western Visayas para sa Undas agud masiguro nga hilway kag komportable ang pagbyahe sang mga pasahero.
“The Philippine Coast Guard District Western Visayas (CGDWV) is on heightened alert status in line with OPLAN UNDAS 2025 to ensure the safety and security of travelers, port passengers, and visitors during the long weekend observance,” suno sa ahensya.
Tanan nga estasyon sa idalom sang CGDWV CGS Iloilo, CGS Capiz, CGS Antique, kag CGS Aklan ang ginmanduan nga pabaskugon ang ila nga monitoring kag mag-deploy sang mga personnel sa ports, terminals, kag coastal areas.
Sa interview naman sang Bombo Radyo kay Allan Delos Reyes, kapitan sang Jordan Ferry 1, ginpahayag sini nga indi pa tuman ka damo ang pasahero kaina.
80 ang ila nga seating capacity, apang masulusobra pa lamang sa 50 ang ila sakay subong nga bisperas sang Undas.
Ginpasiguro man sini ang pagsunod sang protocol sang awtoridad ilabi na sa subong nga obserbasyon sang Undas kag madamo ang nagabyahe sa probinsya.
COAST GUARD NUMBERS
Para sa nagakinahanglan sang assistance halin sa PCG-Western Visayas, gin-post man sang talatapan ang mga numero nga mahimo ma-kontak:
📍 CGS Iloilo
📞 0949 673 3197
📍 CGS Guimaras
📞 0931 949 3783
📍 CGS Capiz
📞 0963 800 8443
📍 CGS Antique
📞 0931 716 0156
📍 CGS Aklan
📞 0961 420 2796″
