Lima ka mga konsehal sa syudad sang Iloilo ang nakapa-rehistro na agud magtambong sa Philippine Councilors’ League (PCL) Regional Membership Summit sa Agusto 4-6.
Ini amo sanday Iloilo City Councilors Ely Estante, Johnny Young, Dr. Nick Baronda, Atty. Sedfrey Cabaluna, kag Atty. Romel Duron.
Sa interview sang Bombo Radyo kay Estante, interim president sang PCL-Iloilo City, iya ginpahayag nga P16,500 ang registration fee para sa twin sharing kag P21, 000 para sa single occupancy.
Ginpahayag man ni Estante nga indi man siya kuntani magtambong sa summit bangud kulang sa budget apang siya ang interim president sa PCL-Iloilo City rason nga compelled siya sa pagtambong kag may nagatulod man sa iya nga magpadalagan sa regional position.
Paagi sa PCL suno kay Estante, makilal-an man sang kada konsehal ang iban nga councilors sa Western Visayas kag daw kaangay nga unity summit man ini para sa ila. Suno kay Estante, gusto man sang iban niya nga kaupdanan nga ma-eksperyensyahan kun ano ang PCL. ##
