ILOILO CITY – Posible nga mapasakaan sang kaso kriminal kag kaso administratibo ang pulis nga amo ang tag-iya sang pusil nga gingamit sang suspek sa pagluthang-patay sa isa ka Chinese national sa dalan Iznart, Iloilo City Proper.
Ang ginatumod nga pulis amo si Police Corporal Val Allan Lisay, miyembro sang Mandirigmang Mang-aawit sang Police Regional Office VI.
Sang damlag lang, napamatud-an sa cross-matching kag ballistic examination nga matuod nga kay Lisay ang 9mm service firearm nga gingamit sang ginhold-up kag ginluthang sang suspek nga si Andy Mahinay alias Hapon ang biktima nga si Willie Sy sang Nobyembre 12.
Sa interview sang Bombo Radyo kay Police Lt. Col. Joem Malong, spokesperson sang Police Regional Office VI, iya ginpahayag nga mabug-at nga ebidensya ang pusil nga napamatud-an ginapanag-iyahan ni Lisay bangud pwede siya mapasakaan sang kaso kriminal bilang accomplice ukon kahimbon sa krimen kag sa kaso administratibo nga malversation of public property kag grave misconduct.
Nakadepende naman suno kay Malong sa resulta nga ipaguwa sang Regional Investigation and Detective Management Divisiontuhoy sa imbestigasyon.
Pahayag sang natungdan nga ang kompleto nga imbestigasyon ang yara sa sulod sang duha tubtob tatlo ka bulan.
