ILOILO – Ginalaoman sang Philippine Drug Enforcement Agency Region 6 nga magasaka ang demand sang iligal nga droga subong nga Holiday season.
Sa interview sang Bombo Radyo kay PDEA 6 Director Alex Tablate, iya ginpahayag nga bangud holiday season, madamo ang kwarta sang tawo lakip na ang mga naga gamit sang iligal nga droga.
Suno kay Tablate, ginadoble sang Philippine Drug Enforcement Agency Region 6 ang ginahimo nga effort agud nga madakpan ang kag mahibaluan kun diin nagahalin ang supply sang droga nga nagasulod sa Western Visayas.
Santu sa pag monitor sang PDEA 6, may yara sang dako nga supply sang iligal nga droga ang Negros bangud ini ang palaagyan sang iban nga mga rehiyon sang pungsod.
Apang sa pihak sini, nag hagan-hagan ang iligal nga droga sa Western Visayas bangud man sa pagpanikasog kag lihok sang ahensya kaangay sang kampanya kontra iligal nga droga kag drug clearing sa mga barangay.
