Nagpaandam ang Philippine Drug Enforcement Agency (PDEA) Region 6 sa publiko may kaangtanan sa mga impormasyon nga ila nabaton nga may yara sang nagapakuno-kuno nga PDEA agents.
Sa interview sang Bombo Radyo kay PDEA Region 6 director Alex Tablate, iya ginpahayag nga may mga nagapakilala nga PDEA officers nga naga courtesy call sa mga establisimento kag talatapan agud magpangilkil sang kwarta.
Suno kay Tablate, na umpisahan na nila sa pag-imbestiga ang nasambit nga impormasyon kag ini naman ang ila nga nakumpirma.
Nagpanugyan man si Tablate nga kun may yara sang may nahibaluan nga nagapakilala nga PDEA agent, ireport gilayon sa ila sa nasambit nga ahensya.
