ILOILO CITY – Nagdepensa ang Philippine Drug Enforcement Agency Region VI nga hugot ang ila nga pagbantay sa mga ports kag seaports nga masami gina-agyan sang mga durugista sa pag-transport sang iligal nga droga.
Sa interview sang Bombo Radyo kay Atty. Bomrad Soc Abonado, spokesperson sang Philippine Drug Enforcement Agency Region VI, iya ginpahayag nga may yara sang uniformed kag non-uniformed personnel nga naga-tsekyar sa mga ports sa rehiyon.
Suno kay Abonado, nagahalong man ang mga durugista rason nga nagkalain-lain nga pamaagi ang ila ginahimo agud lamang indi madakpan.
Base sa monitoring sang ahensya, ang iban nga durugista ang nagagamit sang ‘dead drop’ nga pamaagi sa pagbaligya sang droga kun sa diin, ang droga ang ginabilin sa mga coastal areas nga wala sang existing ports.
Bangud sini, nagpanawagan si Abonado sa mga coastal barangays nga magpakig-angut sa otoridad sa tion nga may makaduluda nga tawo nga nagasulod sa ila nga lugar.
