PAVIA, ILOILO – Ginpanginwala sang Provincial Drug Enforecement Unit ang alegasyon sang pamilya sang Overseas Filipino Worker nga subject sa drug buy bust operation sa Pavia, Iloilo.
Sa interview sang Bombo Radyo kay Police Major Jonathan Pineula, pinuno sang Provincial Drug Enforcement Unit, iya ginpahayag nga lehitimo ang ginpatigayon nga drug buy bust operation kag gina ubra lang nila ang ila nga trabaho.
Suno kay Pinuela, ang alegasyon nga gin-abduct ang durugista ang normal na lang nga alibi sang mga nagkaladakpan samtang indi naman nila buluhaton ang magpangsakit sang subject sa ila tagsa ka operasyon.
Mahimo man magpangatubang sang kaso ang amay sang durugista bangud sa pagbulig niya nga makapalagyo ang iya nga anak.
Sa subong, napasakaan na sang kaso ang nobya sang Overseas Filipino Worker nga si alyas Jom samtang ginakabig naman ang subject nga ‘wanted’ kag padayon pa nga ginapangita matapos nga makapalagyo sa drug buy bust operation.
