Balantayan ang mangin performance sa Dinagyang Festival 2026 sang grupo sang mga Persons Deprived of Liberty ukon PDL sa Iloilo City District Jail–Male Dormitory sa Barangay Ungka, Jaro.
Sa interview sang Bombo Radyo kay Jail Superintendent Denver Beltran, jail warden, iya ginpahayag nga ang grupo sang sini nga mga PDLs ang ginatawag nga Tribu Paghilom.
Suno kay kay Beltran, patigayunon ang performance sa sulod mismo sang pasilidad kag malantaw sang publiko paagi sa live feed ukon recorded video nga ipakita sa mga venues sang festival.
Gin-athag naman ni Beltran nga ang pagpasakop sang grupo ang indi kabahin sang opisyal nga kompetisyon.
Suno kay Beltran, ang inisyatibo ang naghalin mismo sa mga PDLs agud ipakita man ang ila nga debosyon kay Sr. Sto Niño kag bilang kabahin man sang ila nga rehabilitasyon.
