Gintawag sang Partido Demokratiko Pilipino (PDP) nga political stunt ang bag-o nga kaso nga ginpasaka batok kay Vice President Sara Duterte.
Nahibaluan nga nagpasaka sang plunder case kahapon nga adlaw sang Biyernes, Disyembre 12,ang pila ka civil society kag church leaders batok sa Vice President tungod sa iya anomalya sa paggamit sang pondo sang Office of the Vice President kag Department of Education, nga una sini nga ginapamunuan.
Suno kay PDP Deputy Spokesperson Atty. Ferdinand Topacio, ginakabig sang partido nga alarming kag karadlawan ang nasambit nga tikang.
Ginpanugyan niya nga kon tuod nga handum sang nagpreparar sang kaso nga mapanabat ang mga nag-gastos sang pondo, suno sa iya nga dapat unahon nila ang sa House of the Representatives.
Sa matandaan nga una na nga nagsiling ang mga church kag civil society leaders nga wala sila sang iban nga tuyo kundi ang mapanabat ang Bise Presidente.
