Ginkumpirma ni Iloilo Gov. Arthur Defensor Jr. nga may yara liwat sang patigayunon nga pagsinapol ang Partido Demokratiko Pilipino–Lakas ng Bayan (PDP-LABAN) sa bulan sang Hulyo.
Sa interview sang Bombo Radyo kay Defensor, iya ginpahayag nga sa masunod nga assembly, patigayunon na ang pag-eleher sang mga opisyal para sa partido.
Indi lang mapat-od sang gobernador ang petsa sang masunod nga pagsinapol.
Sa ginpatigayon naman nga meeting sang PDP-Laban kahapon, Mayo 31, suno kay Defensor, ginpakita ang mga accomplishments sang partido.
Apang kun istorya tuhoy sa ginapahayag Duterte-Duterte tandem sa 2022 elections, wala ini nabatian sang gobernador bangud wala niya masaksihan ang bilog gid nga pagsinapol.
