Patigayunon na subong nga adlaw ang posible pag-eleher sang panibag-o nga mga myembro sang Partido Demokratiko Pilipino–Lakas ng Bayan (PDP-Laban) kadungan sang national council meeting.
Kadam-an sa mga myembro sang partido sa Kamara ang nagpabutyag sang suporta para sa padayon nga liderato ni Department of Energy Secretary Alfonso Cusi bilang vice chairman sang partido apisar ginsipa na ini sang presidente sang PDP-Laban nga si Senator Manny Pacquiao.
Ginpanginwala naman ni Cusi nga may yara sang faction sa PDP-Laban kag nagpangabay nga untatan na ang indi paghangpanay sang mga myembro sang grupo.
Suno sa party vice chairman, wala sila sang secret agenda kag wala man sang secret candidate sa ila pagpatawag sang meeting.
Nagpangabay man si Cusi sa mga myembro nga indi pagtungaon ang nasambit nga partido.
