PDRRMO sang Guimaras, ginhanda na ang mga response team sa tion sang kalamidad

GUIMARAS – Ginahanda na sang Provincial Disaster Risk Reduction Management Office sang Guimaras ang mga response team sa tion nga may yara sang emerhensya tuga sang mamunog nga ulan nga dala ni bagyo Quinta.

Sa interview sang Bombo Radyo kay Teresita Siason, Provincial Disaster Risk Reduction Management Officer, iya ginpahayag nga nagapakig-angot naman sila sa tagsa ka mga Municipal Disaster Risk Reduction Management Office agud nga ihanda naman ang mga equipment kag evacuation center.

Suno kay Siason, nagakadapat nga mangin alerto ang response team kag bantayan ang mga nagapangayo sang bulig agud madasig ini nga ma respondehan ukon maaktohan.

Nagpanugyan man ang natungdan sa mga taga Guimaras nga kun mahimo indi lang anay magtabok sa Iloilo kun malain ang tyempo ukon may yara sang bagyo.