Wala ginlauman sang Iloilo Disaster Risk Reduction and Management Office (PDRRMO) ang pagdugok sang linibo ka mga tawo sa opening of lights and fireworks display sang Iloilo Provincial Capitol.
Sa interview sang Bombo Radyo kay Ret. Police Col. Cornelio Salinas, head sang Iloilo Disaster Risk Reduction and Management Office, iya ginpahayag nga na-rekord sang talatapan ang 12 ka mga indibidwal nga ginrespondehan bangud sa naglain ang pamatyag.
Suno kay Salinas, ang nagpagamay sang alagyan, amo ang mga cart sang vendors nga nagsakop sang malapad nga space para sa mga tumalan-aw, rason man nga nagtuga ini sang magutok nga paghulag sang mga tawo.
Gin-athag man sini nga may deployment man sang kapulisan halin sa Iloilo Police Provincial Office (IPPO) agud nga pasiguraduhon ang safety sang mga nagabisita sa Iloilo Provincial Capitol grounds.
Nagpasalig man ang natungdan sa mga may tuyo nga maglagaw nga naka-standby ang pila ka ahensya lakip na ang mga ambulance agud nga matatapan ang posible maglain ang pamatyag.
