ILOILO CITY – Nagapati ang pila ka mga observers nga wala pa lubos mapatay ang peace talks sa Communist Party of the Philippines-New People’s Army-National Democratic Front (CPP-NPA-NDF), sa pihak sang panindugan sang gobyerno nga indi na magpakigsapol sa komunista nga grupo.
Sa interview sang Bombo Radyo Iloilo, ginpahayag sang political analyst nga si Ramon Casiple nga temporaryo lang ang setback karon sa peace talks.
Wala pa man nag-uliay sang kandila suno kay Casiple, sanday Presidente Rodrigo Duterte kag ang pamunuan sang NDF.
Dugang pa ni Casiple, gusto lamang ipakita sang gobyerno nga wala na ini sang pagsalig sa komunista bangud sa padayon nga pagsabwag sang kalakasan sa pihak sang peace talks.
Indi sinsero suno kay Casiple ang NDF sa peace talks rason nga gin-untat anay sang gobyerno ang peace talks.