Ginapanindugan sang Panay Electric Company( PECO) nga wala sa gihapon sang ikasarang ang MORE Electric and Power Corporation nga i-take over ang operasyon bilang electric power provider sa syudad sang Iloilo.
Ini sa pihak sang pagpabutyag sang MORE nga handa ini mag-take-over kun matapos na sa Mayo 25, 2019 ang ginhingyo nga Certificate of Public Convenience and Necessity (CPCN) sang Panay Electric Company (PECO) sa Energy Regulatory Commission (ERC).
Sa interview sang Bombo Radyo Iloilo kay Marcelo Chacho, Administrative Manager sang Panay Electric Company (PECO), iya ginpahayag nga imposible nga masarangan sang MORE ang responsibilidad bangud wala pa ini sang mga nagakaigo nga pasilidad kag technical personnel.
Suno kay Cacho, wala man sang ginauyatan pa nga kontrata ang MORE magluwas lang sa kontrata upod sa KEPCO SPC Power Corp. (KSPC) para sa 5MW supply sang electric power sa Iloilo City,nga makapasiga sa lima gid lang ka barangay.
