ILOILO CITY – Ginpanginwala sang Panay Electric Company nga may kaangtanan sila sa ginaduso ni Ako Bisaya Party-list Representative Sonny Lagon nga pa imbestigahan sa House Committee on Energy ang estado sang electric distribution sa syudad sang Iloilo.
Sa interview sang Bombo Radyo kay Atty. Estrella Elamparo, Legal Counsel sang Panay Electric Company iya ginpahayag nga wala man sang kamatuoran nga ginpanubli lang sang More Electric and Power Corporation ang ila mga equipments bangud sa pagkamatuod kabangdanan sang masami nga pagluntad sang brownout amo ang kakulangan nila sa mga gamit kag ihibalo.
Suno kay Elamparo, kun ginsunod lang sang More Electric Power and Corporation ang proper transition antes sila nag take over mahimo kun tani nga malikawan ang nasambit nga problema.
Dugang sang natungdan,antes nagbulos ang More Electric and Power Corporation bilang power distributor sa syudad, wala sang may natabo nga tuman ka lawig nga power interruption.
Santo sa pahayag ni Elamparo, indi nagadakadapat nga ang Panay Electric Corporation ang pasibangdanan nila sa ila mga nangin kapaltahan.
