ILOILO CITY- Nagahulat nalang sang signal halin sa Office of the City Mayor kag City Treasurer’s Office ang Business Permit and Licensing Office antes mag-release sang business permit sa Panay Electric Company.
Ini kasunod sang pagbayad na sang Panay Electric Company sang utang sa real property tax sa syudad nga balor P134-M.
Sa interview sang Bombo Radyo kay Mr. Norman Tabud, iya ginpahayag nga antes mag-release sang busines permit sa Panay Electric Company, kinahanglan anay sini nga mag-comply sang mga documents nga gina-require man sa tanan nga business establishment nga nagapangayo sang permit.
Pila sa mga requirements suno kay Tabud amo ang Declaration of Gross Revenue para sa 2019,Fire Inspection certificate,Brgy. clerarance, kag iban pa.
Ginalauman naman nga ma-release ang business permit sang Panay Electric Company antes magtakop ang tuig.
