ILOILO CITY — Nakahanda ang Panay Electric Company (PECO) nga mag-atubang sa Iloilo City Council pananglitan ipatawag.
Ini ang kasunod naman sang mga nagkalain lain nga reklamo sang mga konsumidor ilabi na sa wala nagasinilanto nga meter reading kag mga bill.
Suno kay Mikel Afzelius, Corporate Communications Officer sang PECO, indi na bag-o pa sa ila ang pag-atubang sa mga opisyal sang syudad ilabi pa nga nakaagi na sila nga ginpatawag man sang una sa tuhoy sa iban nga isyu.
Aminado man si Afzelius nga may mga kaso nga sala ang reading sang metrohan apang ang kutob sa nagareklamo ang  wala nila ginapabay-an.
Gindugang pa ni Afzelius nga ang mga reklamo batok sa ila ang makabig nga case to case basis apang ginpasiguro nga wala ini ginapabay-an sang PECO sa diin ang mga reklamo ang ginahatagan man sang nagakaigo nga pagtamod