Hingalitan sang Panay Electric Company (PECO) ang 2 ka tuig nga extension nga ginhatag sa ila sang Energy Regulatory Commission (ERC) nga magpadayon sa pag-distribute sang kuryente sa syudad sang Iloilo.
Sa interview sang Bombo Radyo Iloilo kay Mikel Afzelius, Corporate Communications and External Affairs Officer sang PECO,gamiton nila nga kahigayunan ang extension agud i-renew ang ila franchise nga nag-expire na sang Hunyo 18,2019.
Sa 13 ka pahina nga ginpagwa sang ERC, ginhatagan sang provisional certificate of public convenience and necessity (CPCN) ang PECO sa sulod sang two-year transition period tubtob makapagwa sang mando nga mahimo na nga itake over ang pag suplay sang kuryente sa syudad ang More Electric and Power Corp. (MORE Power) nga ginapanag-iyahan sang bilyonaryo nga si Enrique Razon Jr.
magapadayon man ini sa gihapon sa pag-operate bangud wala man sang ikasarang ang MORE Power nga mag-operate sa rason nga wala pa ini sang distribution asset.
Ginpahayag man ni Afzelius nga apisar indi pa magpagwa sang provision to operate ERC, Samtang sa interview naman sang Bombo Radyo Iloilo kay Jonathan Cabrera, tagpamaba sang MORE, iya ginpahayag nga sa pihak sang bag-o nga evelopment,padayunon nila sa gihapon ang expropriation complaint sa korte agud i- expropriate ang assets sang PECO.
