Nadakpan sang Bureau of Immigration (BI) ang isa ka lalaki nga nagpakuno-kuno nga pastor kag gintuyo nga ipadala sa Cambodia ang tatlo ka mga Pilipino.
Ang suspek amo ang nagpakilala nga si “Pastor Falcon” nga plano kuntani ipadala ang mga biktima sa Cambodia paagi sa pagsulod sa Thailand.
Suno kay BI Commissioner Joel Anthony Viado, napunggan ang suspek sa Clark International Airport kaupod ang mga biktima bag-o pa nakasakay sa eroplano padulong sa Bangkok.
Pahayag niya, nabuko ang pastor kag ang mga kaupod sini bangud wala nagasanto ang ila mga pahayag.
Gin-ako sang tatlo nga ang ila nga destinasyon amo ang Cambodia kag indi sa Thailand.
Suno sa ila, ginpromisahan sila nga makabaton sang sweldo nga tubtob P50,000 kada bulan.
Nakumpirma naman nga ang peke nga pastor ang nakabiyahe sadto pagwa sang Pilipinas kaupod ang isa ka tawo nga may record nga “tourist” apang ini ang wala pa nakabalik sa pungsod.
 ang isa ka nagpakuno-kuno nga pastor kag gintuyo nga ipadala sa Cambodia ang tatlo ka mga Pilipino.){kind=link}