Gilayon nga i-turn over sa Bureau of Immigration si anay US Marine Lance Cpl. Joseph Scott Pemberton sa tion nga makaguwa na ini sa kustodiya sang Bureau of Corrections.
Ginpahibalo naman sang Bureau of Corrections ang Bureau of Immigration nga ila na i-turn over ang American homicide convict matapos mabaton sang BuCor ang kopya sang pardon nga ginhatag ni Presidente Rodrigo Duterte sa anay US marine.
Sa sulat nga ginpadala ni New Bilibid Prison North Acting Superintendent Joel Calvelo kay Bureau of Immigration Commissioner Jaime Morente, iya ginpahayag nga wala na sang iban pa nga rason agud nga mapadugay ang pagpabilin sa presohan ni Pemberton matapos ginhatagan sang absolute pardon ni Duterte sa pagpatay sini sa Filipina transwoman nga si Jennifer Laude sang 2014.
Suno naman kay Department of Justice Sec. Menardo Guevarra, mahimo nga sa Sabado ukon Dominggo nga adlaw subong nga semana matigayon na ang deportation ni Pemberton.
Nagapanindugan naman ang pamilya Laude kag ang ila nga abogado nga si Jennifer mismo ang wala gin-tratar sang patas kag indi si Pemberton.
