Nakakuha sang clearance gikan sa National Bureau of Investigation si US Marine Lance Corporal Joseph Scott Pemberton nga amo ang requirement sa deportation.
Personal nga ginhikot sang National Bureau of Investigation sa pagpanguna ni Chief Ronald Aguto sang International Operations Division ang pag-proseso sang requirements para sa NBI Clearance ni Pemberton.
Suno kay Deputy Director Ferdinand Lavin, ginkuhaan sang laragway kag digital fingerprints ang anay US marine.
Kabahin lamang sang protocol ang pagkuha ni Pemberton sang NBI clearance bangud kinahanglan ini para sa mga deportees antes maghalin sa Pilipinas.
Apisar nga ginsaylo na ang kustodiya ni Pemberton sa Bureau of Immigration, magapabilin ini sa gihapon sa detention facility sa sulod sang Camp Aguinaldo tubtob nga siya ang i-deport.
Nahibaluan nga ang anay US marine ang covicted sa kaso nga homicide bangud sa pagpatay sa Filipino transgender woman nga si Jennifer Laude sang 2014 apang ini ang ginhatagan sang absolute pardon ni Presidente Rodrido Duterte sang damlag lang.
