ILOILO– Malipayon nga ginpahibalo sang Provincial Environment and Natural Resources nga may yara na sang sanitary Landfill nga magamit ang mga kabanwahanan sa probinsya.
Sa interview sang Bombo Radyo kay Metzie Peñaflorida, Senior Environmental specialist sang Provincial Environment and Natural Resources, iya ginpahayag nga may yara sang sanitary landfill ang syudad sang Passi kag maga-cater ini sang 27 ka mga banwa nagikan sa 3rd, 4th kag fifth district lakip na mismo sa syudad sang Passi.
Suno kay Peñaflorida, dako ang mabulig sang nasambit nga sanitary landfill sa mga kabanwahanan, bangud madispose na sang maayo ang mga basura.
Suno kay Peñaflorida sa subong, mangin compliant na ang mga kabanwahan sa paghaboy sang ila basura sang insakto.
May pila naman ka mga kabanwahanan suno sa natungdan, nga nagpasalig nga magahimo sila sang ila kaugalingon nga sanitary landfill, samtang ang iban naman ang magacluster, sa isa ka landfill.
