Nakatalana nga magataas ang pensyon sang mga miyembro sang Social Security System (SSS) subong nga tuig, kadungan sang pag-implementar sang micro loan program para sa mas mahapos nga access sa kuwarta para sa pang-adlaw-adlaw nga kinahanglanon sang mga myembro sini.
Ginpataas sang SSS ang ila reserve fund sang P1 trillion, nga nangin pinakamataas sa 69 ka tuig sa kasaysayan sini kag nag-record sang mataan man nga net income.
Bangud sini, mahitsu ang padayon nga pagbayad sang pensyon sang buo kag on-time, nga wala ginapataas ang kontribusyon sang miyembro.
Sa palaabuton nga Setyembre 2026, makabatun ang retirement kag disability pensioners sang dugang nga 10%, samtang ang death kag survivor pensioners ang may yara sang 5% nga pagtaas.
May magasunod pa nga adjustment sa Setyembre 2027 suno sa ahensya, nga magahatag sang kabilugan nga pagtaas halin 16% hasta 33% depende sa klase sang pensyon.
Matandaan nga magalunsar man ang SSS sang micro pension loan program para sa mga pensioners nga may P1,000 hasta P20,000 sa mas manubo nga interes kag magamay nga termino sang pagbayad, agud maprotektahan ang mga myembro batok sa mga scam kag mataas nga interes sang informal lending.
 subong nga tuig, kadungan sang pag-implementar sang micro loan program para sa mas mahapos nga access sa kuwarta para sa pang-adlaw-adlaw nga kinahanglanon sang mga myembro sini.){kind=link}