Ginakonsidera mo bala ang imo kaugalingon bilang ‘people pleaser?’
Masami ka bala nga nagahambal sang ‘HUO’ sa mga tawo kag sa ulihe ginahinulsulan ini?
Kun ‘HUO’ ang imo sabat, ini na ang tion nga magpang ‘INDI’ agud mabawi ang madamo nga aspeto sang imo kabuhi kag ma-angkon ang masanyog nga ikaayong lawas.
Suno kay Laurie Leinwand, Psychotherapist, Counselor, kag Hypnotherapist sa Estados Unidos, ang pagpang-indi sa mga sitwasyon kag tawo ang isa ka dako nga pagpanghangkat.
Apang suno sa iya, indi dapat ma-gulity ang isa ka indibidwal nga maghambal sang INDI ilabi na kun para ini sa iya ikaayong lawas.
Pahayag ni Leinwand, sa tion nga maghambal ang isa ka indibidwal sang ‘INDI’ gina-reclaim ukon ginabawi sini ang pila ka aspeto sang iya kabuhi kasubong sang iya kumpyansa, oras, kontrol, respeto kag enerhiya.
Yari ang pila ka mga butang nga dapat INDI-an agud mangin healthy:
- Pagpang-indi sa pagkaon sang processed foods kag pag-HUO sa pagkaon sang prutas, utanon kag beans.
- Pagpang-indi sa tuman ka damo nga commitments agud malikawan ang stress kag overloaded nga schedule.
- Pagpang-indi sa pag-night out kag pag-inom sang makahulubog nga ilimnon kag sa baylo magbawi sang tulog.
Dugang pa sang eksperto, ang paghambal sang INDI ang nagabulig sa isa ka indibidwal sa pag-establisar sang healthy boundaries samtang ginamentinar ang relasyon sa iban.
