ILOILO CITY – Gindagsa sang ginabanta 70, 000 ka mga supporters ang ginpatigayon nga Leni-Kiko People’s Rally sa Paglaum Sports Complex sa Bacolod City, kagab-i.
Antes ginpatigayon ang people’s rally, nagpadulong sa pila ka bahin sang Negros Occidental ang Vice President Leni Robredo kag Senator Kiko Pangilinan.
Na-break sang Negros Occidental ang 47, 000 nga supporters sa Cavite kag 40, 000 nga supporters sa Iloilo Sports Complex.
Kaangay sa Iloilo, madamo man nga mga celebrities ang nagpadulong sa Bacolod City kag nagpakita sang ila suporta sa Leni-Kiko tandem.
Nagpadulong man sa Bacolod City si Iloilo Governor Arthur Defensor, Jr.
Present man si anay COMELEC Commissioner Atty. Rowena Guanzon kag nag-post sa iya social media sang iya suporta sa bise presidente.
