AUSTRALIA – Gindayaw sang Hall of Fame promoter nga si Bob Arum ang performance sang sparring partner ni 8-Division World Champion Manny Pacquiao nga si Tim Tszyu sang Australia.
Partikular nga gintumod ni Arum amo ang away ni Tszyu batok kay anay WBO world welterweight champion Jeff Horn sa Queensland Country Bank Stadium sa Townsville, Australia sang damlag lang.
Suno kay Arum, terrific kag real goods ang iya panulukan kay Tszyu nga amo anay ang naga-uyat sang Australian light-middleweight title sang 2019.
Ginpahayag ni Arum nga iya naka-istorya ang manager kag promoter kun sa diin luyag nila nga may isa pa ka fight ang Australian professional boxer antes matapos ang 2020.
Ang 25-year-old unbeaten boxer nga naga-uyat sang record nga 16-0 with 12 knockouts ang anak ni retired world light welterweight champion Kostya Tszyu.
Nahibalu-an nga si Tszyu ang nangin sparring partner ni Pacquiao sa away batok sa Amerikano nga si Keith Thurman.
