ILOILO CITY – May yara sang powerful impact ang performance sang Tribu Salognon sang Jaro National High School.
Nagsentro sa pagpangabuhi sang mga Ati ang nangin performance sang ika-apat nga tribu nga ginhatagan naman sang 9 nga score sang director kag choreographer nga si Novy Bereber samtang 6.5 naman sa Cultural Works specialist nga si Joseph William Albania.
Sa pagpaathag ni Bereber, may yara sang element of surprises ang performance sang Tribu Salognon rason nga nagdayaw gid ang mga tumalan-aw.
Naluyagan man ni Bereber ang costume kag props nga gingamit sang tribu nga naghatag sang dugang nga duag sa performance.
Sa pihak sini, ginsaway sang natungdan amo ang paggamit sang props nga Dapay nga makabig over-used sa tion sang performance sang mga tribu nga nagapakigbahin sa Ati Tribes competition.
Samtang, energetic kag may yara sang maayo nga costume kag props ang warriors sang Tribu Salognon.
Sa pihak sini, ginpahayag ni Albania nga may pila ka warriors nga nagakinahanglan sang paghanas agud nga mapanami pa gid ang pagsaot.
