Mahimo na nga makapa-renew sang permit sang firearms sa Regional Civil Security Unit (RCSU) VI.
Sa interview sang Police Lt. Richard Lumbre, chief sang fire arms and explosives section sang RCSU VI, iya ginpahayag nga sadto, kinahanglan pa sang pumuluyo magpadulong sa camp crame agud makapa-renew sang permit sang armas-luthang.
Apang subong, mas ginpadasig na ini pinaagi sa RCSU sa kada rehiyon.
Suno kay Lumbre, importante nga mapa-renew gid ang Permit to Carry Firearms bangud sa nagapadayon nga implementasyon sang nationwide election gun ban.
