ILOILO – Duha na lang ang Persons Under Investigation sa Western Visayas may kaangtanan sa Novel Coronavirus.
Sa interview sang Bombo Radyo kay Dr. Mary Jane Juanico, pinuno sang Infectious Disease Section sang Department of Health 6, iya ginpahayag nga humalin sang Enero 1, walo ang Persons Under Investigation sa rehiyon kun sa diin anum ang naghalin sa Aklan kag duha sa syudad sang Iloilo.
Suno kay Juanico, apat na ang nagnegatibo sa Novel Coronavirus samtang apat naman ang pending pa sa gihapon.
Ginpahayag ni Juanico nga sa walo ka Persons Unider Investigation, lima ang nakaguwa na sa hospital kag tatlo naman ang na-admit sa gihapon.
Naglab-ot naman sa 7 ang yara sa monitoring kun sa diin apat ang nagapabilin sa hospital samtang 3 naman ang ginpaidalom sa home quarantine.
Sa subong, ginpahayag sang natungdan nga ginahulat na lang nila kun may yara sang ipaguwa nga reclassification sa mga pasyente.
