Nagmando ang pamunuan sang Police Regional Office (PRO) VI sa mga police personnel nga mas pabaskugon ang kampanya batok sa Anti-Illegal Gambling.
Ini matapos nabaton sang PRO VI ang mando nagikan sa Philippine Charity Sweepstakes Office (PCSO) nga wala sang prangkisa kag lisensya ang peryahan ng bayan agud maka-operate sa syudad kag probinsya sang Iloilo.
Sa interview sang Bombo Radyo kay PRO VI Director Police Brigadier General Rolando Miranda, iya ginpahayag nga gin-istorya kag ginpangsaway na nila ang mga operators sang peryahan ng bayan.
Suno kay Miranda, ginapasigurado man niya sa iya mga police personnel sa syudad kag probinsya sang Iloilo nga mapauntat na ang operasyon sang mga peryahan ng bayan bangud makabig nga iligal ang ila nga trabaho santo sa kasulatan nga ginpadala sang PCSO.
