Padayun ang pagmonitor sang Public Employment and Services Office (PESO) Iloilo City sa 119 ka mga Overseas Filipino Workers (OFWs) sa mga pungsod sa Middle East nga apektado sang gyera sang Iran, United States of America kag Israel.
Base sa ila datos, may ara sang 17 ka mga Ilonggo OFWs sa Israel, 2 sa pungsod sang Oman, 28 sa Qatar, 6 ka OFWs sa United Arab Emirates, 1 sa Bahrain, 32 sa Kuwait, 29 sa Saudi Arabia kag 4 sa Jerusalem.
Sa interview sang Bombo Radyo kay Gab Umadhay, head sang PESO-Iloilo City, iya ginpahayag nga naga-coordinate sila sa Department of Migrant Workers agud ila mahibaluan ang kahimtangan sang mga OFW sa luwas sang pungsod.
Suno kay Umadhay, nagpahayag man ang mga Ilonggo OFW nga yara man sila sa maayo nga sitwasyon bangud ginapasiguro man sang ila nga kompanya kag employer nga hilway sila sa katalagman.
Ginpahayag man sini nga nagahatag man ang ila opisina sang financial assistance para sa mga distressed OFWs nga nagalab-ot sa P15,000 kag may ara man sang ginahatag nga livelihood programs, start-up programs nga nagakab-ot sa P10,000-30,000 depende sa negosyo nga ila umpisahan.
Dugang pa ni Umadhay nga nagapasalig sila sa mga apektado nga mga OFWs nga kun mapinsaran sang mga ini nga mag-repatriate, may ara sang mahatag nga bulig ang syudad sang Iloilo.
 Iloilo City sa 119 ka mga Overseas Filipino Workers (OFWs) sa mga pungsod sa Middle East nga apektado sang gyera sang Iran, United States of America kag Israel){kind=link}