Nagpasalig ang Public Employment Services Office (PESO) Iloilo Province, nga magahatag sila sang Psychosocial Support sa duha ka Ilonggo Survivors sa paglugdang sang MV Trisha Kerstin 3.
Sa interview sang Bombo Radyo kay Cynthia Dario, Head sang PESO Iloilo Province, iya ginpahayag nga bukas ang ila opisina para sa duha ka Ilonggo seafarers.
Suno kay Dario, referral assistance ang ila una nga mapalab-ot nga bulig, kun sa diin prayoridad ang psychosocial support pinaagi sa Provincial Social Welfare and Development Office (PSWDO).
Ginpaathag man ni Dario nga bangud ang insidente natabo sa sulod sang pungsod, indi ini sakop sang PESO–Overseas Filipinos Migration and Development Center nga para lamang sa mga Overseas Filipino Workers (OFWs), Apang may yara man sang lain nga mga programa ang PESO Iloilo Province nga sarang mapalab-ot bilang bulig sa mga Ilonggo seafarers.
Ang duha ka Ilonggo survivors amo sanday Jujerick Layer, isa ka crew sang MV Trisha Kerstin 3 kag residente sang banwa sang Mina, kag si Carl Louis Balontong, 23-anyos, sang Oton, Iloilo, nga isa ka apprentice sang roll-on/roll-off (RORO) ferry vessel sang Aleson Shipping Lines.
Gina-engganyo sang PESO kag sang Iloilo Provincial Government ang mga survivor kag ang ila pamilya nga magpakig-angut sa probinsya agud matutukan ang ila kahimtangan kag mapadayon ang nagakaigo nga bulig.
 Iloilo Province, nga magahatag sila sang Psychosocial Support sa duha ka Ilonggo Survivors sa paglugdang sang MV Trisha Kerstin 3.){kind=link}